Løgtingslóg nr. 46 frá 9. mai 2005 um stuðul til umsorgararbeiði, sum seinast broytt við løgtingslóg nr. 107 frá 12. desember 2008

1) Stuðul til umsorgararbeiði verður latin til sosial tiltøk ella fyriskipanir, ið eru ætlað fólkapensjónistum. Stk. 2. 1) Stuðulin kann veitast øllum, sum fremja virksemi, ið stuðlar fólkapensjónistum at vera búgvandi í egnum heimi, ella stimbrar hesum til at gerast virknari. Umsorgararbeiði

1) 2) Stuðul sambært hesi lóg kann latast til mattænastu, koyritænastu og vitjunartænastu. Stk. 2. Stuðul kann veitast at seta virksemi í gongd, umframt til rakstur av hesum. Treytir v.m.

1) Landsstýrismaðurin ásetir í kunngerð nærri reglur fyri virkseminum, ið er fevnt av lógini, harundir raðfesting og treytir fyri veiting av stuðli. Stk. 2. 3) 2) Veittur stuðul kann krevjast afturgoldin, um treytirnar fyri stuðli ikki verða loknar, ella tá stuðulin ikki er brúktur í fíggjarárinum. Kærurættur

2) Avgerðir sambært hesi lóg kunnu kærast til Kærunevndina í almanna- og heilsumálum. Stk. 2. Kærast skal innan 4 vikur eftir, at kærarin hevur fingið fráboðan um avgerðina. Gildiskoma

Henda lóg kemur í gildi 1. januar 2006. Tórshavn, 9. mai 2005 Jóannes Eidesgaard (sign.) løgmaður / Hans Pauli Strøm (sign.) Lm. nr. 49/2004 1) Broytt við løgtingslóg nr. 39 frá 9. mai 2006. 2) Broytt við løgtingslóg nr. 107 frá 12. desember 2008, har § 2 er soljóðandi: ”Henda løgtingslóg kemur í gildi dagin eftir, at hon er kunngjørd. Stk. 2. Umsóknir, sum eru latnar inn í seinasta lagi 1. sept. 2008, skulu vera avgreiddar í seinasta lagi 1. mars 2009. Hava tiltøk ella fyriskipanir, sum framhaldandi verða fevndar av lógini, fingið stuðul í játtanarárinum 2008, kann tilsøgn gevast til framhald av virkseminum í játtanarárinum 2009, til umsóknin er endaliga viðgjørd. Tilsøgnin er treytað av, at neyðug játtan er til taks á løgtingsfíggjarlógini.” 3) Broytt við løgtingslóg nr. 127 frá 21. desember 2006.