Spyr um hesa keldu
Skriva ein spurning um hesa keldu. Spurningurin verður sendur til Spyr Lógarinnlit (Open WebUI) saman við kelduvísingini.
Lógtekstur
23. desember 2015 Nr. 153
Løgtingslóg um broyting í løgtingslóg um arbeiðsmarknaðareftirlønargrunn
(Hækking av inn- og útgjaldi)
Samsvarandi samtykt Løgtingsins staðfestir og kunnger løgmaður hesa løgtingslóg:
§ 1 Í løgtingslóg nr. 39 frá 7. mai 1991 um arbeiðsmarknaðareftirlønargrunn, sum seinast broytt við…
Í løgtingslóg nr. 39 frá 7. mai 1991 um arbeiðsmarknaðareftirlønargrunn, sum seinast broytt við løgtingslóg nr. 45 frá 10. mai 2013, verða gjørdar hesar broytingar: 1. Í § 2, stk. 1 verður 2. pkt. orðað soleiðis: “Fyri persónar og arbeiðsgevarar er ásetti prosentparturin 2,25%.” 2. Í § 2, stk. 2 verður 4. pkt. orðað soleiðis: “Ásetti prosentparturin er 2,25%.” 3. § 5, stk. 1 verður orðað soleiðis: “Stýrið fyri grunnin ásetir árligu veitingina til eftirlønartakarar á hvørjum ári galdandi fyri álmanakkaárið eftir. Stýrið kann broyta veitingina, um fyritreytirnar fyri ásetingina av veitingini broytast. Ein broyting av veitingini sambært 2. pkt. hevur virknað frá fyrsta í mánaðinum eftir, at stýrið hevur ásett broyttu veitingina.” 4. § 5, stk. 1 verður orðað soleiðis: “Stýrið fyri grunnin ásetir árligu veitingina til eftirlønartakarar í seinasta lagi 1. oktober á hvørjum ári galdandi fyri álmanakkaárið eftir.”
§ 2 Stk. 1. § 1, nr. 1, 2 og 3 koma í gildi 1. januar 2016
Stk. 1. § 1, nr. 1, 2 og 3 koma í gildi 1. januar 2016. Stk. 2. § 1, nr. 4 kemur í gildi 10. januar 2016. Í Tinganesi, 23. desember 2015 Aksel V. Johannesen (sign.) løgmaður Lm. nr. 42/2015
Tilvísingar
Rættarkeldur, sum eru knýttar at hesi keldu í upprunagrunni.
Lógir, sum verða broyttar
(1)Hetta eru tilvísingar úr Tilvísingar-upplýsingunum á logir.fo, sum eru tøkar í Lógarinnliti.
1 knýttar rættarkeldur eru tøkar í Lógarinnliti.